Dealbhan le cead coibhneil bho Bernard Rickus

Tha sinn a’ cur fàilte mhòr air clàrachadh airson Dian-rèis nam bogsaichean-siabainn air a’ Mhonadh Ruadh.

Airson àite a ghlèidheadh dhut fhèin airson rèiseadh leis an leathad anns an rèis charbadan bogsa-siabainn iongantach seo, luchdaich a-nuas agus lìon am foirm clàrachaidh seo agus till thugainn e le seic airson £85 do ‘Scottish Cartie Association’ chun an t-seòlaidh a chì thu air an fhoirm.

Dèan cinnteach gun do leugh thu riaghailtean co-chuir agus riaghailtean na co-fharpais is cumhaichean a’ chlàrachaidh a chì thu air an fhoirm chlàrachaidh agus gu bheil thu gan tuigsinn. Thoir an aire gum bi aig do chairt agus d’ acainn sàbhailteachd a dhol tro dheuchainn sàbhailteachd chruaidh mus faigh thu cead rèisidh air sgàth nàdar na co-fharpais agus nan astaran ris a bheilear an dùil (corr air 50mph ann an cuid de dh’àitichean).

Cha bhi barrachd air 24 sgiobannan ann agus thèid na h-àitichean seo a thoirt seachad dhan chiad 24 sgioba a chlàraicheas. Mar sin dheth, na bi fada gun chlàrachadh gus briseadh-dùil a sheachnadh. Bidh liosta eile againn airson nan sgiobannan nach d’ fhuair àite sa chiad 24. (Cha tèid seicichean nan sgiobannan seo a chur dhan bhanca mura faigh iad cead a-steach).

Ma tha duilgheadas sam bith agad le luchdadh a-nuas no clò-bhualadh an fhoirm, leig fios thugainn agus cuiridh sinn lethbhreac thugad sa phost.